Бүгүн, 13-сентябрь күнү Кыргыз-Өзбек Эл аралык университетинин окумуштуулар кеңешинин биринчи отуруму өттү.

Күн тартибине ылайык окуу жайдын ректору, э.и.д., профессор Райымбаев Чаткалбай Кенейбаевич университеттин 2020-2021-окуу жылына пландаштырылган негизги маселелердин аткарылуусу боюнча маалымат берип, 2021-2022-окуу жылына карата ишмердүүлүктүн багыттары боюнча иш планын тааныштырып, окумуштуулар кеңеши тарабынан колдоого алынып бекитилди.

Андан сырткары 2021-2022-окуу жылына университеттин функционалдык-структуралык түзүмүн бекитүү жана тиешелүү жетекчилерди дайындоо, университеттин окумуштуулар кеңешинин отурумдарынын 2021-2022-окуу жылы үчүн иш планын бекитүү иштери каралды.

Соңунда, университеттин ректору, э.и.д., профессор Чаткалбай Райымбаев окуу жайдын профессордук-окумуштуулар жамаатына жаңы окуу жылын жаңы дем, чыгармачылык эргүү менен баштап, студенттерге сапаттуу билим берип, алардын бизге болгон ишеничин актаганга аракет кылыңыздар деген каалоосун билдирди.