III дүйнөлүк көчмөндөр оюнуна карата “Fashion Nomad 2018» аттуу кароо-сынагы болуп өттү

Кыргыз-Өзбек университетинин инженердик-технологиялык факультетинин колдонмо механика жана көркөм долбоорлоо кафедрасы тарабынан III дүйнөлүк көчмөндөр оюнуна карата дизайнер адистигинде билим алган студенттер арасында “Fashion Nomad 2018» аттуу кароо-сынагы болуп өттү. Сынакка Ош шаарындагы жана Жалал-Абад облусундагы жогорку окуу жайларда билим алган студенттер өздөрүнүн даярдап келген коллекциялары менен катышты. Сынак “Арт-мода”, “Модная штучка”, “Редизайн”, “Этномотив” номинациялары боюнча жүргүзүлдү. Жеңүүчүлөр Кыргыз-Өзбек университети тарабынан акчалай сыйлыктарга жана 1-3-даражадагы дипломдорго ээ болушту. Университеттин ректору Чаткалбай Кенейбаевич иш чаранын жогорку деңгээлде уюшулганын баса белгилеп, эң мыкты деп тандалып алынган кийимдердин коллекциясы III дүйнөлүк көчмөндөр оюнуна барарын билдирди.